ईश्वर खोज्न ( लघुकथा ) ।
एकैछिन् साथीहरूसँग खेलेर आउँछु भनेर हिंडेको छोरो दिउसोको खाना खाने समय टरेपछि घर फार्कियो । फर्किएर आमाको डरले पिँढीमा चुपचाप बसेको छोरोलाई ढोकाको संघारमा उभिएर आमाले हप्काइ-एकैछिन्मा आउँछु भनेर गा'को मान्छे यसबेला आउने ? कहाँ गएको थिइस् हँ ? मैले सारा गाउँमा खोजें । तर तँलाई फेला पार्न सकिनँ।
बाटो हिँड्ने बटुवाले भन्यो - के भनेको दिदी तिमीले खोज्दा ईश्वर त पाइन्छ ।
रिसले आमाको कन्पारो तातेको थियो,त्यसैले बटुवाका कुरातिर ध्यानै दिइन । ऊ एकहोरो छोरोलाई हप्काउदै थिइ । छोरो भने आमाको गालीलाई वेवास्ता गरेर बटुवाको कुरा मनमनै गम्दै थियो।
